Ֆուտբոլի Հայաստանի չեմպիոն «Նոան» կամային հաղթանակ տարավ լեհական «Լեգիայի» նկատմամբ

Ֆուտբոլի Հայաստանի չեմպիոն եւ գավաթակիր «Նոան» Կոնֆերենցիաների լիգայի 5-րդ տուրում ընդունեց լեհական «Լեգիային» եւ հասավ կամային հաղթանակի 2:1 հաշվով։

Երեւանի Վազգեն Սարգսյանի անվան «Հանրապետական» ստադիոնում տեղի ունեցած հանդիպման հաշիվն արդեն երրորդ րոպեին բացեց 26-ամյա դանիացի հարձակվող Միլետա Ռայովիչը։

57-րդ րոպեին պատասխան գոլը խփեց «Նոայի» 28-ամյա բրազիլացի հարձակվող Մատեուս Այասը։

84-րդ րոպեին հաղթական գոլի հեղինակ դարձավ 27-ամյա բոսնիացի հարձակվող Նարդին Մուլահուսեյնովիչը։ Հայաստանի հավաքականի կիսապաշտպան Վահան Բիչախչյանը «Լեգիայի» պահեստայինների թվում էր եւ փոխարինման դուրս եկավ 82-րդ րոպեին։

«Նոան» 8 միավորով ընթացիկ 13-րդ տեղում է։ Փլեյ-օֆֆ դուրս կգա 24 թիմ։