Լևոն Արոնյանը դարձել է Ֆիշերի արագ շախմատի մրցաշարի հաղթող

ԱՄՆ–ի դրոշի ներքո հանդես եկող Լևոն Արոնյանը դարձավ «Freestyle Chess Grand Slam Final» Ֆիշերի արագ շախմատի մրցաշարի հաղթող: Տեղեկությունը հայտնում է Հայաստանի շախմատի ֆեդերացիան։

«Արոնյանը եզրափակչում 1.5:0.5 հաշվով հաղթեց աշխարհում ամենաբարձր վարկանիշ ունեցող Մագնուս Կարլսենին»,– ասված է հաղորդագրությունում։

Նշենք, որ այս պահին նորվեգացի Մագնուս Կարլսենը վարկանշային աղյուսակում առաջինն է (2882 միավոր), Արոնյանը` 5-րդը (2830 միավոր)։

Հաղթանակի համար հայ շախմատիստը ստացել է 200.000 դոլար, իսկ երկրորդ տեղ զբաղեցրած նորվեգացի գրոսմայստերը` 120.000 դոլար։