Բավարարեք Միքայել Սրբազանի՝ իր բժշկի մոտ վիրահատվելու պահանջը. Էդմոն Մարուքյան

Մենք բոլորս գիտենք, որ Միքայել Սրբազանը գտնվում է ԱԱԾ մեկուսարանում, ԿԳԲ-ի բանտում, իշխանությունների կողմից հետապնդման արդյունքում և դատավճիռ կա երկու տարի ազատազրկման, որը բողոքարկված է։ Այս մասին ֆեյսբուքյան իր էջի ուղիղ եթերում հայտարարել է «Լուսավոր Հայաստան» կուսակցության ղեկավար Էդմոն Մարուքյանը։

Նա, մասնավորապես, նշել է. «Ես պահանջում եմ արդարադատության նախարար Սրբուհի Գալյանից, Նիկոլ Փաշինյանից, որ շատ արագ կազմակերպեն Միքայել Սրբազանի պահանջի բավարարման գործը և տեղափոխեն համապատասխան տեղ, որտեղ նա ուզում է, որ վիրահատվի։

Յուրաքանչյուրն, ով իրավունք ունի իր բժշկի մոտ բուժվելու և վիրահատվելու, և պետությունը չի, որ պետք է որոշի, թե որտեղ ինքը վիրահատվի։ Եթե մարդը ասում է, որ ես բժիշկ ունեմ հիվանդանոցում և ես այնտեղ եմ ուզում վիրահատվել, ուրեմն պետք է բավարարեք այդ պահանջը, այլապես մեր պետությունը բազմաթիվ պրոբլեմներ կունենա գոնե մարդու իրավունքների բնագավառում այս մասով»,- հայտարարել է Մարուքյանը։