Թուրքիայի զինված ուժերը պատրաստ են զորքեր ուղարկել Գազայի հատված․ Միջազգային ԶԼՄ-ներ

Թուրքիայի զինված ուժերը պատրաստ են մասնակցել Գազայում ստեղծվելիք Միջազգային կայունացման ուժերին (ISF) և անհրաժեշտության դեպքում զորքեր ուղարկել տարածք։ Այս մասին, ըստ թուրքական մամուլի, հայտարարել են անվտանգության աղբյուրները՝ նշելով, որ Անկարան արդեն պատրաստել է համապատասխան ստորաբաժանումները և սպասում է հրամանին։

Աղբյուրների խոսքով՝ ԱՄՆ-ը աջակցում է թուրքական ներկայությանը, մինչդեռ Իսրայելը դեմ է դրան։ Թուրքիան, որպես հրադադարի երաշխավոր, պնդում է, որ պետք է ներգրավված լինի գործընթացում և մասնակցի Գազայի կայունացման գործողություններին։

Թուրքիայի ԱԳ նախարար Հաքան Ֆիդանը նախօրեին նշել էր, որ եթե Գազայում հրադադարի վերաբերյալ ԱՄՆ-ի աջակցած գործընթացը առաջ չպաշարի, դա «հսկայական ձախողում» կլինի ամբողջ աշխարհի համար։ Նա շեշտել էր, որ Գազայի կառավարումը պետք է անցնի վստահելի պաղեստինյան քաղաքացիական կառույցների ու նրանց վերահսկողության տակ ձևավորված ոստիկանությանը։

Միևնույն ժամանակ, Թուրքիան շարունակում է հույս հայտնել, որ Իսրայելը չնայած իր առարկություններին, վերջապես թույլ կտա թուրքական զորքերի ներգրավումը ISF-ի կազմում։