Իրանը ԱԷՄԳ-ին մեղադրել է միջուկային ծրագրի նկատմամբ քաղաքականացված մոտեցման մեջ
Իրանի միջուկային ոլորտի բարձրաստիճան պաշտոնյան Ատոմային էներգիայի միջազգային գործակալությանը քննադատել է Իրանի միջուկային ծրագրի նկատմամբ կանխակալ և քաղաքականացված մոտեցման համար՝ հայտարարելով, որ նման մոտեցումը բարդացնում է իրավիճակը։ Այս մասին հաղորդում է Mehr գործակալությունը։
«Մենք դժվարին իրավիճակի առջև ենք կանգնած»,- ասել է Իրանի ատոմային էներգիայի կազմակերպության ներկայացուցիչ Բեհրուզ Կամալվանդին իրանական լրատվամիջոցներին։
«Իրանը համագործակցում է գործակալության հետ, սակայն ԱԷՄԳ-ն չի դատապարտել Իրանի վրա հարձակումը։ Նույնիսկ Եվրոպան և Միացյալ Նահանգները վերջին բանաձևում չեն հիշատակել մեր օբյեկտների դեմ ագրեսիան»,- ասել է պաշտոնյան։
Նա հավելել է, որ «հիմնական խնդիրն այն է, որ գործակալությունը հետապնդում է զուտ քաղաքական մոտեցում՝ պրոֆեսիոնալ և տեխնիկապես գործելու փոխարեն»։ Կամալվանդին պարզաբանել է, որ «պաշտպանության մասին համաձայնագիրը նախատեսված չէ պատերազմական պայմանների համար և չի համապատասխանում Իրանի դեմ ԱՄՆ-Իսրայելական ագրեսիայի պահանջներին։ Հետևաբար, այն պետք է վերանայվի»։
