Ամեն ինչ կանենք ՀԱՊԿ-ն ամրապնդելու համար․ Պուտին
Ռուսաստանի նախագահ Վլադիմիր Պուտինը Կրեմլում հանդիպում է անցկացրել ՀԱՊԿ անդամ պետությունների խորհրդարանների խոսնակների հետ։ Հանդիպմանը մասնակցում են Ռուսաստանի, Բելառուսի, Ղազախստանի և Տաջիկստանի ներկայացուցիչները։
ՌԴ նախագահ Վլադիմիր Պուտինը նշել է․
«Հաջորդ տարի Ռուսաստանը կստանձնի ՀԱՊԿ-ի նախագահությունը։ Մենք, անշուշտ, ամեն ինչ կանենք կազմակերպությունն ամրապնդելու համար։ Եվ, ինչպես վերջերս ասացի իմ գործընկեր պետությունների ղեկավարներին, մեր աշխատանքը, անկասկած, կշարունակի այն, ինչին հասել են մեր ղրղզ ընկերները։
Սա կլինի լիակատար շարունակականություն համագործակցության բոլոր հիմնական ոլորտներում՝ պաշտպանական կարողությունների ամրապնդում և ռազմական ու ռազմատեխնիկական համագործակցության քաղաքականության համաձայնեցում»։
