Ադրբեջանն ու Սլովակյան կարող են դառնալ ռազմավարական գործընկերներ
Սլովակիայի նախագահ Պետեր Պելեգրինին բավականին տարօրինակ և հակասական հայտարարություն է արել։
«Շատ տարիներ անց Ադրբեջանի և Հայաստանի միջև նախաստորագրվել է խաղաղության պայմանագիր։ Ես կցանկանայի շնորհավորել Ադրբեջանին և ադրբեջանական ժողովրդին», - ասել է Սլովակիայի նախագահ Պետեր Պելեգրինին Ադրբեջանի նախագահ Իլհամ Ալիևի հետ համատեղ մամուլի ասուլիսում, ըստ ադրբեջանական լրատվամիջոցների։
Սլովակիայի նախագահը նշել է, որ ուշադրությունը այժմ կկենտրոնացվի հետհակամարտական շրջանի վրա. «Ադրբեջանը կարող է առաջատար դեր խաղալ Սլովակիայում։ Երկարաժամկետ հեռանկարում Ադրբեջանը կարող է դառնալ մեզ համար ռազմավարական գործընկեր։ Մեր պատվիրակությունները կշարունակեն բանակցությունները։ Մենք կկարողանանք օգտագործել Ադրբեջանի էներգետիկ պաշարները։ Պաշտպանական արդյունաբերության մեջ մենք չենք մտադիր պարզապես զենք վաճառել Ադրբեջանին։ Մենք մեծ փորձ ունենք ինքնագնաց հրետանու և այլ ոլորտներում։ Մենք կարող ենք աշխատել Ադրբեջանի հետ տեխնոլոգիաների փոխանցման և համատեղ արտադրության ոլորտում։ Մենք կարող ենք համատեղ արտադրված արտադրանք վաճառել երրորդ երկրներին»։ Պելեգրինին նշել է, որ Ադրբեջանն արդեն իսկ հայտնել է հրետանային համակարգեր գնելու իր մտադրության մասին։
Սլովակիայի նախագահը հայտարարել է, որ այս զենքերը կամրապնդեն ադրբեջանական բանակի հզորությունը։
