Երեք երկրաշարժ` Ուզբեկստանում

Ուզբեկստանի արևելքում՝ Նամանգանի և Ֆերգանայի մարզերում, վերջին երկու օրվա ընթացքում երրորդ՝ մինչև երեք բալ ուժգնությամբ երկրաշարժն է տեղի ունեցել, հայտնում է «РИА Новости»-ն:

Նամանգանի և Ֆերգանայի մարզերում ժամը 16.31-ին երկրաշարժ է տեղի ունեցել։ Ցնցումները կազմել են մոտ երկու-երեք բալ։ Տուժածներ չկան:

Երկրաշարժի էպիկենտրոնը գտնվել է Նամանգանի մարզի Պապի շրջանում՝ Տաշքենդից 135 կիլոմետր դեպի հարավ-արևելք։

Շաբաթ օրը նույն վայրում երկու անգամ մինչև երեք բալ ուժգնությամբ ցնցումներ են գրանցվել՝ տեղական ժամանակով 2.04-ին և 18.19-ին։ Ավերածությունների և տուժածների մասին հաղորդումներ նույնպես չեն ստացվել։