Ժնևի բանակցությունների արդյունքները փոխանցվել են Կրեմլին. Պեսկով

ՌԴ նախագահի մամուլի քարտուղար Դմիտրի Պեսկովը հայտնել է, որ Ժնևի բանակցություններից հետո Ուկրաինայի հետ կապված ծրագրի հիմնական պարամետրերը փոխանցվել են Կրեմլին և նախատեսվում է դրանք քննարկել Մոսկվայում հաջորդ շաբաթ։

Պեսկովը նշել է, որ Կրեմլը չի բացահայտելու Ուկրաինայի կարգավորման հնարավոր հատվածների բոլոր մանրամասները՝ հավելելով, որ դրանք ամբողջությամբ կքննարկվեն մոտակա հանդիպումների ընթացքում։

Նրա խոսքով՝ բանակցությունների ժամանակ պետք է որոշվի, թե որ կողմը պետք է ճանաչի Ռուսաստանի և Ուկրաինայի միջև առկա տարածքային իրողությունները։

Պեսկովը նաև հավելել է. «Զելենսկին լեգիտիմության խնդիր ունի և չի ցանկանում Ուկրաինայում ընտրություններ անցկացնել և պահպանել սահմանադրությունը»։