Արդյոք Թրամփի վարչակազմը կշարունակի ֆինանսապես աջակցել Ուկրաինային
Արժույթի միջազգային հիմնադրամը (ԱՄՀ) վաղաժամ է համարում խոսել ԱՄՆ նորընտիր նախագահ Դոնալդ Թրամփի վարչակազմի օրոք Ուկրաինային` ֆինանսական աջակցության հնարավոր վերանայման մասին, ասել է ԱՄՀ-ի հաղորդակցությունների գծով տնօրեն Ջուլի Կոզակը։
«Քաղաքականության պոտենցիալ փոփոխությունների մասին խոսելը դեռ շատ վաղ է»,- ճեպազրույցի ժամանակ հայտնել է Կոզակը:
Ուկրաինան արդեն երկրորդ տարին անընդմեջ հավաքում է ռեկորդային դեֆիցիտով բյուջե՝ հույս ունենալով այդ դեֆիցիտի հիմնական մասը ծածկել արևմտյան գործընկերների օգնությամբ։ Այս տարվա վերջում այն կկազմի 43,9 միլիարդ դոլար, մինչդեռ Արևմուտքում օգնության նոր փաթեթների հատկացումը տեղի է ունենում երկար քննարկումներից հետո։ Ուկրաինայում ԱՄՀ առաքելության ղեկավար Գևին Գրեյն ավելի վաղ նշել էր, որ ժամանակի ընթացքում Կիևին միջազգային աջակցությունը կնվազի, ուստի երկրի իշխանությունները պետք է ներքին ռեսուրսներ մշակեն ինքնաֆինանսավորման համար։
