Շոգից հետո՝ ամպրոպ ու կարկուտ․ եղանակը նոր անակնկալներ է պատրաստում

Հուլիսի 3-5-ին, հատկապես երեկոյան ժամերին, մայրաքաղաքի որոշակի հատվածներում հնարավոր են կարճատև տեղումներ անձրևի տեսքով և ամպրոպ, որի ընթացքում քամու արագությունը կարող է հասնել 15-18 մ/վ-ի։

Հանրապետության տարածքում հունիսի 30-ի և հուլիսի 3-ի ուշ երեկոյան, հուլիսի 1-ի գիշերային ժամերին, ինչպես նաև հուլիսի 4-ին և 5-ին՝ կեսօրից հետո, որոշ շրջաններում կանխատեսվում է կարճատև անձրև և ամպրոպ, տեղ-տեղ հնարավոր է նաև կարկուտ։ Հուլիսի 1-ի ցերեկը, հուլիսի 2-ին, ինչպես նաև հուլիսի 3-ի, 4-ի և 5-ի գիշերները սպասվում է առանց տեղումների եղանակ։ 

Քամին կլինի արևմտյան՝ 2-5 մ/վ արագությամբ, սակայն ամպրոպների ժամանակ կանխատեսվում է քամու ուժգնացում՝ մինչև 17-20 մ/վ։ Օդի ջերմաստիճանը հունիսի 30-ի ցերեկային ժամերին և հուլիսի 1-3-ն ընկած ժամանակահատվածում աստիճանաբար կբարձրանա 3-5 աստիճանով։