Խաղաղության նոր ծրագիր Եվրոպայից չի լինի. Սթարմեր
Եվրոպական երկրները չեն պատրաստվում ներկայացնել առանձին խաղաղության ծրագիր Ուկրաինայի համար և կշարունակեն աշխատել ԱՄՆ-ի գործող նախաձեռնության շրջանակում։ Այս մասին հայտարարել է Մեծ Բրիտանիայի վարչապետ Քիր Սթարմերը՝ ընդգծելով, որ դաշնակիցների ջանքերը պետք է համադրված լինեն, այլ ոչ թե տարբերվեն միմյանցից։
Սթարմերի խոսքով՝ ներկայում առաջնահերթությունը ամերիկյան խաղաղության ծրագրին աջակցելն է, և եվրոպական կողմը նպատակ չունի մշակելու նոր, ինքնուրույն փաստաթուղթ։
Վարչապետը նաև նշել է, որ ցանկացած բանակցային գործընթաց պետք է կառուցվի Ուկրաինայի շահերի շուրջ:
