Էփշտեյնի փաստաթղթերը կհրապարակվեն. Կոնգրեսը ևս կողմ է
ԱՄՆ Ներկայացուցիչների պալատը գրեթե միաձայն հավանություն է տվել մանկապղծության համար դատապարտված ֆինանսիստ, ԱՄՆ նախագահ Դոնալդ Թրամփի նախկին ծանոթ Ջեֆրի Էփշտեյնի գործի նյութերը հրապարակելու նախագծին։
Ավելի վաղը Թրամփը ևս կողմ է արտահայտվել այդ թղթերի հրապարակմանը, և հիմա սպասվում է, որ նա կստորագրի օրինագիծը։
Թրամփը նաև մշտապես պնդել է, որ Էփշտեյնի հետ կապերը խզել է 2000-ականների սկզբին՝ ֆինանսիստի առաջին ձերբակալությունից մոտ երկու տարի առաջ։
ԱՄՆ Սենատը առանց քննարկման հաստատել է օրենսդրական նախաձեռնությունը։
Ներկայացուցիչների պալատում կողմ է քվեարկել երկու կուսակցություններից 427 կոնգրեսական, դեմ՝ միայն մեկ հանրապետական։
