Գլոբալ տաքացում․ օվկիանոսների ջրերի ջերմաստիճանը հասել է պատմական ռեկորդի

Եվրոպական Copernicus Marine Service ծրագրի տվյալներով՝ 2026 թվականի հունիսին համաշխարհային օվկիանոսի մակերեսային միջին ջերմաստիճանը կազմել է +20.98°C՝ սահմանելով նոր պատմական ռեկորդ։ Նախորդ ռեկորդը գրանցվել էր 2024 թվականին և կազմել էր +20.89°C։ Այս մասին տեղեկանում ենք DW-ից։

Մասնագետների գնահատմամբ՝ նման աճը կապված է գլոբալ տաքացման և Էլ Նինյո կլիմայական երևույթի համատեղ ազդեցության հետ։ Էլ Նինյոն պարբերաբար առաջացող կլիմայական գործընթաց է, որը հանգեցնում է Խաղաղ օվկիանոսի որոշ հատվածների ջրերի տաքացման։

Գիտնականները նշում են, որ օվկիանոսները կարևոր դեր ունեն Երկրի կլիմայի կարգավորման մեջ՝ կլանելով ջերմության մեծ մասը, որը առաջանում է ածխաթթու գազի արտանետումների հետևանքով։ Սակայն ջերմաստիճանի շարունակական աճը կարող է լուրջ հետևանքներ ունենալ՝ ուժեղացնելով փոթորիկներն ու տեղումները, վնասելով կորալային համակարգերը և նպաստելով ծովի մակարդակի բարձրացմանը։

Մասնագետների կանխատեսմամբ՝ առաջիկա ամիսներին հնարավոր է նաև այլ կլիմայական ռեկորդների գերազանցում։