Իրանը դադարեցնում է Հնդկաստանի հետ առանց վիզայի ճամփորդությունը
Իրանի կառավարությունը հայտարարել է Հնդկաստանի քաղաքացիների համար առանց վիզայի ճանապարհորդության դադարեցման մասին․ նոր կարգը ուժի մեջ կմտնի նոյեմբերի 22-ից, հայտնում է India Today-ը։
Հնդկաստանի արտաքին գործերի նախարարությունը որոշման պատճառ է նշում հնդիկ քաղաքացիների դեմ հանցագործությունների աճը։ Վերջին շրջանում հանցախմբերը հնդիկներին Իրան են հրավիրում աշխատանքի կեղծ առաջարկներով, ապա առևանգում և նրանց ընտանիքներից փրկագին պահանջում։
Իրանի նոր կանոնների համաձայն՝ բոլոր ավիաընկերությունները պարտավոր են ստուգել դեպի Իրան մեկնող, այդ թվում՝ տարանցիկ ուղևորների վիզայի կարգավիճակը՝ ապահովելով մուտքի խիստ վերահսկողություն։
