Ուկրաինան կոռուպցիայից մաքրելու միջոցները բավարար չեն. Զելենսկի
Ուկրաինայի նախագահ Վլադիմիր Զելենսկին Փարիզում՝ Ֆրանսիայի նախագահ Էմանուել Մակրոնի հետ համատեղ մամուլի ասուլիսի ընթացքում, հայտարարել է, որ երկրի կոռուպցիայից մաքրելու քայլերը դեռևս բավարար չեն։
«Կոռուպցիայի դեմ պայքարը շարունակվում է, սակայն այն դեռ հեռու է բավարար լինելուց»,- նշել է Զելենսկին՝ ընդգծելով, որ Ուկրաինան պարտավոր է կատարել անհրաժեշտ բարեփուխումները։
Նրա այս հայտարարությունը հնչել է այն ֆոնին, երբ եվրոպացի պաշտոնյաները շարունակում էին ընդգծել հակակոռուպցիոն քայլերի կարևորությունը։ Ավելի վաղ Ֆրանսիայի արտաքին գործերի նախարարը նշել էր, որ Ուկրաինան պետք է ակտիվացնի պայքարը կոռուպցիայի դեմ՝ ԵՄ աջակցությունը լիարժեք դարձնելու համար։
Իտալիայի փոխվարչապետն էլ ավելի կոշտ քննադատությամբ էր հանդես եկել՝ պնդելով, որ Կիևին տրամադրվող ֆինանսական օգնությունը հաճախ օգնում է կոռումպացված պաշտոնյաներին, այլ ոչ թե Ուկրաինայի պաշտպանական կարիքներին։
