Զելենսկին՝ Ադրբեջանից գազ գնելու մասին
Ուկրաինան ակտիվացնում է ջանքերը՝ Ադրբեջանից բնական գազի ներկրման ուղղությամբ։ Երկրի նախագահ Վոլոդիմիր Զելենսկին հայտնել է, որ Կիևը աշխատում է տարբեր ուղիներով ապահովել առաջիկա ձմռան էներգետիկ կայունությունը։
«Մենք լայն հնարավորություններ ենք ստեղծում ձմեռային մատակարարումների համար։ Մասնավորապես՝ մեր լեհ գործընկերների միջոցով մենք ակտիվորեն աշխատում ենք Ադրբեջանի հետ»,- գրել է Զելենսկին իր սոցցանցային գրառմամբ։
Ուկրաինան փորձում է դիվերսիֆիկացնել գազի ներմուծման աղբյուրները՝ ռուսական էներգակիրներից առավելագույն կախվածությունը բացառելու նպատակով։ Ադրբեջանը վերջին տարիներին ընդլայնում է գազի արտահանման ծավալները դեպի Եվրոպա, ինչը Կիևի համար կարող է դառնալ ռազմավարական այլընտրանք։
