Հայ սահմանապահները հայ-վրացական սահմանին ձերբակալել են բելառուս ընդդիմադիր բլոգերի. մանրամասներ. Լապշին
Քիչ առաջ հայ սահմանապահները հայ-վրացական սահմանին ձերբակալել են բելառուս ընդդիմադիր բլոգեր Դիանա Մոիսեենկոյին։ Այս մասին տելեգրամյան իր էջում գրել է բլոգեր Ալեքսանդր Լապշինը:
«Նրան կալանավորելու միջնորդություն է ներկայացրել Բելառուսը, և նա մեղադրվում է նախագահ Լուկաշենկոյի դեմ ցույցերին մասնակցելու մեջ։ Ամոթ Հայաստանի դատախազությանը, որը կուրորեն և չմտածված բռնում է Լուկաշենկոյի ռեժիմի կողմից քաղաքական դրդապատճառներով հետախուզվողներին։
Այժմ աղջկան ձեռնաշղթաներով տեղափոխել են ոստիկանության Նոյեմբերյան քաղաքի բաժին։ Մինչև դատավարությունը նա կմնա կալանավորված բանտում, եթե Հայաստանի կառավարության ամենաբարձր մակարդակը չհրամայի նրան ազատ արձակել»,- հավելել է նա:
