Պարեկների արագ արձագանքման արդյունքում ցույց է տրվել անհրաժեշտ բժշկական օգնություն․ երեխայի կյանքին վտանգ չի սպառնում․ ՆԳՆ
Նոյեմբերի 14-ին Պարեկային ծառայության Արմավիրի մարզի գումարտակի 1-ին վաշտի պարեկները Վաղարշապատում ծառայություն իրականացնելիս ժամը 11:36-ի սահմաններում, սահմանված արագությունը գերազանցելու համար, Մանուշյան փողոցում կանգնեցրել են «ԲՄՎ» մակնիշի մեքենա: Այս մասին տեղեկանում ենք ՆԳՆ-ից։
Տեղեկանալով, որ մեքենայում գտնվող երեխան վատառողջ է և անհրաժեշտ է նրան շտապ տեղափոխել հիվանդանոց, պարեկները ծառայողական մեքենայով նրան տեղափոխել են մայրաքաղաքի «Արաբկիր» բժշկական կենտրոն:
Պարեկների արագ արձագանքման արդյունքում հնարավոր է եղել երեխային ցույց տալ անհրաժեշտ բժշկական օգնություն։
Նրա կյանքին վտանգ չի սպառնում:
