Սարսափելի վիճակ՝ «Տրոլեյբուսների պարկի» զուգարաններում
21-րդ դար. Auroranews-ն այսօր ռադիոլսող վարորդներից տեսանյութ է ստացել Երևանի Շենգավիթ վարչական շրջանի «ԷԼԵԿՏՐԱՏՐԱՆՍՊՈՐՏ» փակ բաժնետիրական ընկերության տարածքից, որը մենք ավելի հաճախ ասում ենք Տրոլեյբուսների պարկ:
Ավելի շուտ խոսքը վերաբերում է ընկերության զուգարանին, որը սարսափելի վիճակում է գտնվում:
Հարց է առաջանում, նման զուգարանից սույն ընկերության ղեկավարները կամ քաղաքապետերանի աշխատակիցները կօգտնվե՞ն: Իսկ ինչու՞ պիտի վարորդը օգտվի, այն վարորդը, որը բավական ծանր գրաֆիկով է աշխատում մեր քաղաքի բարդ ու նյարդեր քայքայող երթևեկության մեջ:
Ահանազանգը հնչեցրած վարորդները ևս մեկ խնդիր էլ են նշում: Տրոլեյբուսների պարկում մեքենաների լվացման ընդամենը մեկ կետ կա: Վարորդները ստիպված են հերթ կանգնել տրոլեյբուսները լվանալու համար ու սպասում են մինչեւ գիշերը երկուսը:
Նշենք, որ տեսանյութի հետ կապված հարցում ենք ուղարկելու բոլոր պատկան մարմիններին:
