Փաշինյանը կրկին արձագանքել է Ալիևի հայտարարությանը Սևանի մասին
Վարչապետ Նիկոլ Փաշինյանը ճեպազրույցի ընթացքում արձագանքել է Ադրբեջանի նախագահ Իլհամ Ալիևի հայտարարությանը, թե Ռուսական կայսրության քարտեզում Սևանա լիճը այլ անունով է նշված։
«Ես էլ ասում եմ՝ այդ նույն քարտեզում Հայաստան կա, Ադրբեջան չկա, դա ի՞նչ է նշանակում։ Նա ասել է, որ ինչ-որ տարվա քարտեզում Սևան չի, այլ ուրիշ անուն է։ Ես էլ հարց եմ տալիս՝ որ հետ ենք գնում մինչև ե՞րբ»,- նշել է վարչապետ Փաշինյանը։
Նրա խոսքով՝ պատմական փաստերը ընտրովի մեկնաբանելը չի կարող հիմք հանդիսանալ ժամանակակից սահմանների կամ ինքնության վերաբերյալ պնդումների համար։
