«Կիլիկիա» նավին տեսության. վարչապետ Նիկոլ Փաշինյանը եղել է Սևանա լճի ափամերձ հատվածներից մեկում
ՀՀ վարչապետ Նիկոլ Փաշինյանը կիրակի օրն ուղևորվել է Սևանա լճի ափամերձ հատվածներից մեկը։ Կառավարության ղեկավարն ուսումնասիրել է լեգենդար «Կիլիկիա» առագաստանավը։ Վարչապետն իր Instagram-յան էջում տեղադրել է առագաստանավի լուսանկարն ու գրառում կատարել.
«Գնացել էի «Կիլիկիա» նավին տեսության Գեղարքունիքի մարզի Արտանիշ գյուղի մերձակայքում»:
«Կիլիկիա» առագաստանավը կառուցվել է 2002թ.-ին «Այաս» ծովային հետազոտությունների ակումբի անդամների կողմից։
