Ավելի քան 8 հոգևորականի ՀՀ քննչական կոմիտե են կանչել. մանրամասներ
Մայր Աթոռ Սուրբ Էջմիածնից և Արագածոտնի թեմից ավելի քան ութ հոգևորական հրավիրվել են հարցաքննության ՀՀ քննչական կոմիտե։ Տեղեկությունը Sputnik Արմենիայի հետ զրույցում հայտնել է փաստաբան Արա Զոհրաբյանը։
Նրա խոսքով՝ հոգևորականներին ՔԿ են կանչել Նաթան սրբազանին առնչվող ձայնագրության գործի շրջանակում։
«Այս պահին նրանք վկայի կարգավիճակով են»,– նշել է Զոհրաբյանը։
Փաստաբանը հավելել է, որ հարցաքննության են կանչվել ոչ միայն քահանաներ, այլև բարձրաստիճան հոգևորականներ։ Նրա տեղեկություններով՝ նրանք պետք է ներկայանան քննչական կոմիտե այսօր և վաղը։
