Սրբազան կոչվելու իրավունք չունեն. Վահե Ղալումյան
«Որտեղ օրինականության հետ կապված խնդիր կա, այնտեղ մենք փորձելու ենք օրինականությունը վերականգնել»:
Այս մասին Հովհաննավանքում լրագրողների հետ զրույցում ասել է ԱԺ «Քաղաքացիական պայմանագիր» խմբակցության պատգամավոր Վահե Ղալումյանը՝ խոսելով այն մասին, թե ինչու են սկսվել եկեղեցու շուրջ վերջին շրջանի իրադարձությունները:
Նա նշել է, որ Հայ Առաքելական եկեղեցում կան կուսակրոնությունը խախտած բազմաթիվ մարդիկ, որոնք եկեղեցում չպետք է լինեն, սրբազան կոչվելու իրավունք չունեն:
Լրագրողները նաև քաղաքական բնույթի հարցեր են ուղղել, խոսել վերջերս Գյումրիում տեղի ունեցած իրադարձություններից ու հարց ուղղել,թ ե Գյումրու օրինակը չի՞ նշանակում, որ իշխող կուսակցությունը վստահության պակաս ունի:
Ղալումյանը նշել է, որ ՔՊ-ն Գյումրիում ամենաուժեղ քաղաքական ուժն է և հաշտ չեն ոչ թե ընդդիմության միասնական թեկնածուի հարցում, այլ անօրինականության հետ հաշտ չեն:
«Թողնենք Ղուկասյան Վարդանը կաշառք վերցնի, տարածք օրինականացնի, մի քանի տարի հետո դրան քաղաքական գնահատական տա՞նք»,-ասել է պատգամավոր Վահե Ղալումյանը:
