Ռուսաստանը չի՞ պաշտպանում հայերին․ Արման Աբովյանը՝ ՌԴ-ի դերի մասին
ՌԴ Արտաքին գործերի նախարարության բարձրագույն ղեկավարության վերջին հայտարարությունները լավ առիթ են հասկանալու, թե ով է Հայաստանի բարեկամը և ով թշնամին: Այս մասին մայիսի 25-ին Հայաստանի Ազգային ժողովի նիստին հայտարարեց պատգամավոր Արման Բաբաջանյանը:
Ի պատասխան` ԲՀԿ խորհրդարանական խմբակցության քարտուղար Արման Աբովյանը հայտարարեց, որ այս օրերին հակառուսական քարոզչության հոսքը հայկական տեղեկատվական տարածքում մեզ ստիպում է հիշեցնել մի քանի հիմնական բաների մասին, որոնց մասին հակառուսական թեզերի գեներատորները մոռանում են:
Նա, մասնավորապես, չհամաձայնեց տարածված կարծիքի հետ, թե Ռուսաստանը չի պաշտպանում հայերին և կոնկրետ քայլեր չի ձեռնարկում, իսկ արվածը չափազանց մեղմ արձագանք էր կատարվածին կամ բոլորովին չէր համապատասխանում Մոսկվայի ստանձնած պարտավորություններին:
«Ռուսաստանը, լինելով Հայաստանի ռազմավարական գործընկեր, առաջին հերթին ելնում է եւ շարժվում է Հայաստանի իշխանությունների կողմից ընդունված որոշումների շրջանակներում: Եթե իշխանությունները որոշել են, որ պետք չէ պայքարել մեր երկիր ներխուժած թուրքի դեմ, ապա ինչ-որ մեկը հույս ունի, որ ռուսները կասեն. «ոչ, նշանակություն չունի: Մենք պետք է գնանք կռվելո՞ւ»»,- ասաց Աբովյանը:
Պատգամավորը նշեց, որ ՀՀ կառավարությունը որոշեց գնալ այլ ճանապարհով, իսկ Ռուսաստանի իշխանությունները հայտարարեցին, որ Ռուսաստանը, լինելով Հայաստանի գործընկեր, սատարում է դրա ընտրած ուղուն:
