Մասկը պահանջել է տրիլիոն դոլարի փոխհատուցում՝ սպառնալով լքել Tesla-ն

Tesla-ի ղեկավար Իլոն Մասքը սպառնացել է հրաժարվել իր պաշտոնից, եթե բաժնետերերը չհաստատեն իրեն հասանելիք մոտ մեկ տրիլիոն դոլար արժողությամբ վարձատրության փաթեթը։ Այս մասին հայտարարել է ընկերության խորհրդի նախագահ Ռոբին Դենհոլմը։

Ըստ Դենհոլմի՝ բաժնետերերին առաջարկվել է մինչև նոյեմբերի 5-ը քվեարկել Մասքի վարձատրության վերաբերյալ։ Նա նաև ընդգծել է, որ Մասքը անփոխարինելի ղեկավար է Tesla-ի համար։

«Առանց Իլոնի, Tesla-ն կարող է զգալիորեն կորցնել իր արժեքը, քանի որ մեր ընկերությունը, հավանաբար, այլևս չի ընկալվի այնպես, ինչպես մենք ցանկանում ենք»,– ասել է Դենհոլմը CNBC-ին տված մեկնաբանությունում։

Հոկտեմբերի սկզբին Forbes հանդեսը հայտնել էր, որ Իլոն Մասքը դարձել է աշխարհի առաջին մարդը, ում կարողությունը հասել է 500 միլիարդ դոլարի։