էդ քարավանները 5 րոպում ընենց կթալանեն, մեծ կտորը ուղտի ականջը կմնա. Նիկոլ Փաշինյան

Վարչապետը ԱԺ-ում ընդգծել է՝ յուրաքանչյուր քաղաքացու բարեկեցությունը անմիջականորեն կախված է բյուջեի որակից և եկամուտների ապահովումից

Ազգային ժողովում 2026 թվականի պետական բյուջեի նախագծի քննարկման ժամանակ վարչապետ Նիկոլ Փաշինյանը հայտարարել է, որ պետական բյուջեն համահայկական կյանքի կազմակերպման և քաղաքացիների բարեկեցության հիմնական գործիքն է։ Նրա խոսքով՝ բյուջեն պետք է ընկալել որպես հանրապետության «ընտանեկան բյուջե», որտեղ յուրաքանչյուրի մասնակցությունն ու պատասխանատվությունը կարևոր են։

«Պետական բյուջեն մեր համատեղ աշխատանքի արդյունքն է։ Եթե բյուջեն բավարար չէ, նշանակում է՝ մենք բավարար արդյունավետ չենք աշխատում։ Յուրաքանչյուր քաղաքացու բարեկեցությունը կախված է նրանից, թե ինչքան է պետական և համայնքային բյուջեն իր վրա ծախսում»,– նշել է Փաշինյանը։

Վարչապետը մանրամասնել է նաև, թե ինչպես է ձևավորվում բյուջեն՝ ընդգծելով հարկերի վճարման և շրջանառության թափանցիկության կարևորությունը։ «Եթե քաղաքացու վճարած գումարը՝ օրինակ թթվասեր գնելու պահին, ՀԴՄ չհաշվարկվի, այդ գումարը չի հասնում բյուջե, այլ գողացվում է։ Ստվերային տնտեսությունը հենց այստեղ է վնասում պետությանը և յուրաքանչյուր քաղաքացու»,– ասել է նա։

Փաշինյանը հավելել է, որ բյուջեի եկամուտների ու ծախսերի բավարար մակարդակն է, որ ապահովում է երկրի ենթակառուցվածքները, առողջապահական և կրթական համակարգերը, ինչպես նաև քաղաքացիների անվտանգության հիմքերը։


Մանրամսները՝ տեսանյութում: