Երևանն ու Հայաստանի որևիցե վարչական տարածք երբևէ անտեր չի մնացել․ ՆԳ փոխնախարարը՝ ընդդիմադիր պատգամավորին
Երեկ Գյումրիում բազմաթիվ ոստիկանական ուժեր կային։ Նույն ժամանակահատվածում Երևանում ծեծի է ենթարկվում ակտիվիստ, որը զանգում է ոստիկանություն, և պարզվում է, որ էդտեղ ոստիկան չկա: Այս մասին Ազգային ժողովում ՆԳ փոխնախարարին հարցրեց «Հայաստան» խմբակցության պատգամավոր Ագնեսա Խանոյանը։
«Երևան քաղաքը երեկ անտեր էր մնացել, որովհետև քաղաքական իշխանությունը քաղաքական հարց ուներ լուծելու Գյումրիում»,- ասել է ընդդիմադիր պատգամավորը։
Փոխնախարար Արմեն Մկրտչյանն էլ պատասխանել է պնդելով՝
«Երևանն ու Հայաստանի Հանրապետության որևիցե վարչական տարածք անտեր չի մնացել ոստիկանության կողմից»,- ասել է ՆԳ փոխնախարար Արմեն Մկրտչյանը։
