Զելենսկին հաստատել է, որ Ուիթքոֆը կոչ է արել իրեն դուրս բերել զորքերը Դոնբասից
Ուկրաինայի նախագահ Վլադիմիր Զելենսկին հաստատել է, որ ԱՄՆ նախագահի հատուկ բանագնաց Ուիթքոֆը կոչ է արել իրեն դուրս բերել զորքերը Դոնբասից՝ պատերազմն ավարտելու համար:
«Ռուսներն ասում են, թե իբր հանրաքվե են անցկացրել Դոնբասում, և իրենք իբր ուզում են Ռուսաստան գնալ։ Բայց օկուպացիայի սկզբի և այսպես կոչված հանրաքվեի միջև անցել է 10 տարի։ Պարոն Ուիթքոֆն ասում է, որ դա ներառված է Ռուսաստանի Սահմանադրության մեջ: Ուստի ես պարոն Ուիթքոֆին ևս մեկ անգամ բացատրեցի, որ եթե վաղը Պուտինը ևս ինչ-որ բան ներդնի, պատերազմի այս կամ այն ավարտից հետո մենք նորից պետք է հեռանանք ինչ-որ տարածքից։ Իսկ եթե ես Ուկրաինայի Սահմանադրության մեջ մտցնեմ, Օրինակ, ՌԴ-ի երկու մարզ, նրանք կհեռանան այդ տարածքներից։ Սա չաշխատող մոդել է»,- նշել է Զելենսկին։
