Պուտինն ահաբեկիչ է․ ես պատրաստ եմ հանդիպել նրա հետ․ Ուկրաինայի նախագահ

Ուկրաինայի նախագահ Վլադիմիր Զելենսկին պատրաստ է հանդիպել Պուտինի հետ Բուդապեշտում։ Այս մասին NBC News-ին տված հարցազրույցում ասել է Ուկրաինայի նախագահը։ Նա Պուտինին անվանել է ահաբեկիչ, բայց հաստատել է նրա հետ հանդիպելու իր պատրաստակամությունը

«Եթե մենք իսկապես ուզում ենք հասնել արդար և երկարատև խաղաղության, մեզ անհրաժեշտ են այս ողբերգության երկու կողմերը։ Ինչպե՞ս կարող է լինել որևէ համաձայնություն առանց մեզ։ Մենք իսկապես ցանկանում ենք հասնել արդար և տևական խաղաղության», -ասել է Զելենսկին։

Հիշեցնենք, որ օրեր առաջ Թրամփ-Զելենսկի հանդիպման ժամանակ ԱՄՆ նախագահը հայտարարել էր, որ Ռուսաստանն ու ԱՄՆ-ն հաջորդ շաբաթ բարձր մակարդակով հանդիպում կանցկացնեն, իսկ դրանից հետո սպասվում է Թրամփ-Պուտին հանդիպումը Բուդապեշտում, որի ժամանակ կքննարկվի ռուս-ուկրաինական պատերազմը։