Ազգությանբ չեչեն կինն անհետացել է Երևանում․ The Insider

Այշատ Բայմուրադովան, որը նախկինում Չեչնիայից փախել էր մարդու իրավունքների պաշտպանության կազմակերպության օգնությամբ, անհետ կորել է Երևանում: Այս մասին Twitter-ում հայտնել է Օմսկի քաղաքացիական ասոցիացիայի համահիմնադիր Դանիիլ Չեբիկինը: Ակտիվիստը, ով նույնպես ապրում է Երևանում, Բայմուրադովայի անհետացման մասին իմացել է նրա հետ նույն բնակարանում ապրող ընկերներից: Այս մասին հայտնում է The Insider-ը։

Նրանց խոսքով՝ հոկտեմբերի 15-ին Այշատը գնացել է «Ինստագրամ»-յան հարթակով ծանոթացած ընկերոջ հետ հանդիպման և այլևս չի վերադարձել։ Աղջկա հեռախոսը չի պատասխանում։ Այշատի ընկերները դիմել են ոստիկանություն։ Նրանք կարծում են, որ աղջկան կարող էին առեւանգել։

Հավելենք՝ Հյուսիսային Կովկասի հանրապետություններից կանայք, փախչելով ընտանեկան բռնությունից և հարկադիր ամուսնության հեռանկարից, պարբերաբար հետապնդվում են Ռուսաստանի այլ շրջաններում կամ հարևան երկրներում, որտեղ նրանք թաքնվում են իրենց ընտանիքներից: Ամենաաղմկոտ դեպքը չեչենուհի Սեդա Սուլեյմանովայի առևանգումն էր: Նրան առևանգել են Սանկտ Պետերբուրգում 2023 թվականին և բռնի կերպով տարել Չեչնիա: Այդ ժամանակվանից ի վեր նրա մասին ոչինչ չի լսվել. ընկերներն ու մարդու իրավունքների պաշտպանները կարծում են, որ Սեդային սպանել են հարազատները: