«Բարսելոնան» կասկածվում է թանկարժեք տրանսֆեր կեղծելու մեջ
Խոսեպ Բարտոմեուի նախագահության օրոք «Բարսելոնայի» տրանսֆերները հետաքննող դատավորը գործի նյութերին ավելացրել է նաև Անտուան Գրիզմանի տրանսֆերը։ Դատավորը տրանսֆերի իրականացման ընթացքում հայտնաբերել է վատ վարչարարության և խարդախության նշաններ։
Հաղորդվում է, որ «Բարսելոնան» հնարավոր է՝ Անտուան Գրիզմանի հետ ուղղակի բանակցություններ է վարել այն ժամանակ, երբ ֆուտբոլիստը դեռ ուներ գործող պայմանագիր Մադրիդի «Ատլետիկոյի» հետ՝ առանց ակումբի թույլտվության։ Սա արգելված է ՖԻՖԱ-ի կանոններով։
Ըստ El Mundo-ի՝ բողոքից խուսափելու համար «Բարսելոնան» հնարավոր է, որ «Ատլետիկոյին» վճարել է 15 միլիոն եվրո և այն ներկայացրել որպես մեկ այլ վճարում՝ թաքցնելով իրական նպատակը։
Անտուան Գրիզմանը 2019 թվականի ամռանը «Ատլետիկոյից» 120 միլիոն եվրոյի դիմաց տեղափոխվեց «Բարսելոնա»։ Երկու տարի անց ֆրանսիացի ֆուտբոլիստը վերադարձավ մադրիդյան ակումբ։
