ԱԱ 2022-ի քառորդ եզրափակիչում Արգենտինան մրցում էր Նիդերլանդների հավաքականի հետ։

Հանդիպման հաշիվը 35-րդ րոպեին բացեց արգենտինացիների պաշտպան Նաուել Մոլինան՝ եզրափակելով Լեո Մեսսիի փոխանցումը։

73-րդ րոպեին արդեն Մեսսին դարձավ գոլի հեղինակ՝ հստակ իրացնելով Մարկուս Ակունյայի վաստակած 11 մետրանոց հարվածը։

Խաղավարտից 7 րոպե առաջ Վուտ Վեգհորստը կրճատեց հաշվի տարբերությունը, իսկ 90+11-րդ րոպեին 30-ամյա հարձակվողը դուբլ գրանցեց։ Այդ գոլի շնորհիվ հաշիվը դարձավ 2։2 և խաղը տեղափոխվեց լրացուցիչ ժամանակ։

Թիմերը 30 րոպեում գոլ չխփեցին և հաղթողը որոշվեց հետխաղային 11 մետրանոց հարվածաշարում, որտեղ ավելի ուժեղ գտնվեցին Արգենտինայի հավաքականի ֆուտբոլիստներըև հաղթեցին 4:3 հաշվով։

Արգենտինայի հավաքականը կիսաեզրափակիչում կմրցի Խորվաթիայի հավաքականի հետ։