Պակիստանն ավիահարվածներ է հասցրել Աֆղանստանի մայրաքաղաքին. կան զոհեր
Աֆղանստանի իշխանությունները հայտնել են երկու երկրների միջև պաշտոնական սահման համարվող Դյուրանդի գծի մոտ Պակիստանյան ուժերի հետ նոր բախումների հետևանքով 12 մարդու մահվան մասին: Այս մասին ասել է Աֆղանստանի կառավարության ներկայացուցիչ Զաբիհուլ Մուջահիդին:
Նա նշել է, որ աֆղանական ուժերը ստիպված են եղել պատասխան միջոցներ ձեռնարկել: Ավելի քան 100 մարդ վիրավորվել է:
Այդ գործողությունների ընթացքում զոհվել են մի քանի պակիստանցի զինվորականներ, գրավվել են նրանց անցակետերն ու բազաները, ինչպես նաև ոչնչացվել են որոշ ռազմական օբյեկտներ։
Հիշեցնենք՝ ավելի վաղ հայտնել էինք, որ Պակիստանի զինված ուժերը կրակ են բացել ի պատասխան Աֆղանստանին սահմանակից Խայբեր-Պախտունխվա հյուսիսարևմտյան նահանգի Կուրրամ շրջանի անցակետերի վրա հարձակման:
