Թրամփը քննարկում է Չինաստանի հետ առևտուրը դադարեցնելու հնարավորությունը

ԱՄՆ նախագահ Դոնալդ Թրամփը հայտարարել է, որ քննարկում է Չինաստանի հետ մի քանի ոլորտներում առևտուրը դադարեցնելու հարցը՝ ի պատասխան Պեկինի կողմից ամերիկացի ֆերմերների դեմ ձեռնարկված «թշնամական տնտեսական գործողությունների»։

«Ես կարծում եմ, որ Չինաստանի կողմից մեր սոյա գնելուց հրաժարվելը և ամերիկացի ֆերմերների համար դժվարություններ ստեղծելը տնտեսական թշնամանքի դրսևորում է։ Մենք քննարկում ենք Չինաստանի հետ բուսական յուղերի և այլ ապրանքների առևտուրը դադարեցնելու հարցը որպես պատասխան միջոց», - գրել է Թրամփը իր Truth Social սոցիալական հարթակում։

Նա պնդել է, որ ԱՄՆ-ն ի վիճակի է «արտադրել իր սեփական բուսական յուղը» և կարիք չունի այն գնելու Չինաստանից։