Քնեսեթի խոսնակները ջանալու են, որ հաջորդ տարի Խաղաղության Նոբելյան մրցանակը շնորհվի Թրամփին

ԱՄՆ Ներկայացուցիչների պալատի խոսնակ Մայք Ջոնսոնն այսօր հայտարարել է, որ ինքը և Իսրայելի Քնեսեթի խոսնակ Ամիր Օհանան կպնդեն, որ հաջորդ տարի Խաղաղության Նոբելյան մրցանակը ստանա նախագահ Դոնալդ Թրամփը, հաղորդում է NBC News-ը։

«Ես հպարտությամբ եմ հայտարարում, որ իմ ընկերոջ՝ Իսրայելի Քնեսեթի խոսնակ Օհանայի հետ, որը մեր Կոնգրեսի համարժեքն է, մեկնարկելու ենք համատեղ նախագիծ՝ աշխարհի տարբեր երկրների խորհրդարանների խոսնակներին և նախագահներին միավորելու համար՝ նախագահ Դոնալդ Ջ. Թրամփին հաջորդ տարվա Խաղաղության Նոբելյան մրցանակի համար համատեղ առաջադրման համար,- Կապիտոլիումում անցկացված մամուլի ասուլիսում հայտարարել է Ջոնսոնը։

Անցյալ շաբաթ Խաղաղության Նոբելյան մրցանակի հայտարարմանը նախորդող ժամանակահատվածում Թրամփի դաշնակիցները բազմիցս պնդում էին, որ մրցանակը նա պետք է ստանա։ Մամուլի ասուլիսի ժամանակ Ջոնսոնը և Ներկայացուցիչների պալատի հանրապետական ​​ղեկավարության մյուս անդամները ևս կրկնեցին իրենց դիտարկումները կառավարության աշխատանքի դադարեցման մասին՝ մեղադրելով դեմոկրատներին՝ պահանջելով, որ առողջապահության հարցերը քննարկվեն կարճաժամկետ ծախսերի օրինագծի շրջանակում։ Ներկայացուցիչների պալատն այս շաբաթ նիստ չի անցկացնի։