Շատ կոշտ և պրոֆեսիոնալ բանակցող է. Թրամփ
ԱՄՆ նախագահը, ողջունելով Գազայի հատվածում խաղաղության մասին ձեռք բերված համաձայնությունը, հայտարարել է, որ այդ համաձայնագիրը վերաբերում է ոչ միայն Գազային և ամբողջ Մերձավոր Արևելքին: Նա ընդգծել է, որ ՀԱՄԱՍ-ը ոչնչացվել է։
«ՀԱՄԱՍ-ը շատ կոշտ և պրոֆեսիոնալ բանակցող է։ Ես հպարտ եմ, որ Իրանն ու Ռուսաստանը նույնպես աջակցել են այդ համաձայնագրին։ Այս խաղաղությունը վերաբերում է ամբողջ Մերձավոր Արևելքին, և ես հույս ունեմ, որ այն կբերի կայունության տարածաշրջանում»,- նշել Է Թրամփը։
Հիշեցնենք, որ լույս հոկտեմբերի 10-ի գիշերը Իսրայելի կառավարությունը հավանություն է տվել Գազայի հատվածում հրադադարի և ՀԱՄԱՍ-ի կողմից պահվող պատանդներին ազատ արձակելու համաձայնագրին։ Փաստաթղթի համաձայն՝ Իսրայելի պաշտպանության բանակը պետք է հեռանա Գազայի հատվածի տարածքում գտնվող նոր սահմաններ, որից հետո ՀԱՄԱՍ-ը 72 ժամ կունենա պատանդներին ազատ արձակելու համար։ Ակնկալվում է, որ Իսրայելն ազատ կարձակի գրեթե 2000 պաղեստինցի բանտարկյալի՝ 2023 թ. հոկտեմբերի 7-ին ՀԱՄԱՍ-ի հարձակման հետևանքով պատանդ վերցրված 48 հոգու դիմաց։ Պատանդների ազատ արձակումը պաղեստինցի բանտարկյալների դիմաց և իսրայելական զորքերի մասնակի դուրսբերումը ԱՄՆ նախագահ Դոնալդ Թրամփի՝ Գազայի հատվածում հակամարտության կարգավորման շուրջ խաղաղության պլանի առաջին փուլն է։
