Գերմանիան կարող է ԱԹՍ-ներ խոցել միայն բազաների վրայով՝ ոչ թե երկրի ամբողջ տարածքով․ Politico
Երկրորդ համաշխարհային պատերազմից հետո սահմանադրության սահմանափակումների պատճառով Գերմանիայի զինված ուժերին ներկայումս թույլատրվում է անօդաչու թռչող սարքեր խոցել միայն ռազմական բազաների, այլ ոչ թե երկրի ամբողջ օդային տարածքի վրայով։ Politico հրատարակությունը նշում է, որ այս սահմանափակումները պայմանավորված էին նացիստական Գերմանիային բնորոշ չարաշահումների կրկնությունը կանխելու ցանկությամբ։
Տեսականորեն, Բունդեսվերը կարող է զենք օգտագործել երկրի ներսում միայն լայնածավալ ներխուժման դեպքում։ Իշխանությունների տվյալներով՝ երկրի օդային տարածքում գտնվող անօդաչու թռչող սարքերը զինված չէին մարտագլխիկներով, բայց դրանք կարող էին օգտագործվել հետախուզության համար։
Վերջին շաբաթներին Մյունխենի օդանավակայանի վերևում անօդաչու թռչող սարքեր են հայտնվել, իսկ անցյալ տարի մի քանի անօդաչու թռչող սարքեր են նկատվել ԱՄՆ Ռամշտայն ավիաբազայի, Rheinmetall պաշտպանական ընկերության և BASF քիմիական ընկերության վերևում։
