Ուկրաինայի ԶՈւ-ն պայթեցրել է Տոլյատի-Օդեսա ամոնիակային խողովակաշարը. ՌԴ ՊՆ
Ուկրաինայի ԶՈւ-ն պայթեցրել Է Տոլյատի-Օդեսա ամոնիակային խողովակաշարը։ ՌԴ զինծառայողների շրջանում զոհեր չկան, սակայն արտանետվել է ամոնիակ: Այս մասին հայտնել են ՌԴ Պաշտպանության նախարարությունից։
«Ռուսաստանի Դաշնության Զինված ուժերի ստորաբաժանումների հարձակման տեմպերը նվազեցնելու նպատակով Դոնեցկի Ժողովրդական Հանրապետության Ռուսին Յար բնակավայրից 2,5 կմ դեպի արևելք ընկած շրջանում Ուկրաինայի զինված ուժերն ականապատել են Տոլյատի - Օդեսա ամոնիակատարի ճյուղավորումը:
Այս շրջանից Ուկրաինայի զինված ուժերի ստորաբաժանումների նահանջի ժամանակ, նշված խողովակաշարը պայթեցվել է, ինչը հանգեցրել է ամոնիակի մնացորդների արտանետմանը դրա վնասված հատվածով: Ռուս զինծառայողների շրջանում տուժածներ չկան», - հայտնել են ռազմական գերատեսչությունից:
