Ռուսաստանում հակապատերազմական թռուցիկներ տարածած Լիլիա Մանուխինան ձերբակալվել է Հայաստանում
Ռուսաստանում հակապատերազմական թռուցիկներ տարածելու համար հետախուզվող 29-ամյա ռուս Լիլիա Մանուխինան ձերբակալվել է Հայաստանում, հաղորդում է Civilnet-ը:
Մանուխինան ձերբակալվել է Ռուսաստանի Դաշնության խնդրանքով 2025 թվականի օգոստոսի 30-ին: Դատարանը նրա նախնական կալանքի ժամկետը սահմանել է 40 օր, որը հետագայում երկարաձգվել է ևս երկու ամսով՝ ՀՀ արդարադատության նախարարության խնդրանքով։
Ըստ նրա փաստաբանի՝ Մանուխինան դիմել է քաղաքական ապաստան ստանալու համար։ Նա ներկայումս նախնական կալանքի տակ է՝ սպասելով միգրացիոն ծառայության որոշմանը։
