ՏԵՍԱՆՅՈՒԹ. Թբիլիսիում մեկնարկել է ընդդիմության բողոքի երթը
Թբիլիսիի կենտրոնում մեկնարկել է ընդդիմության բողոքի երթը: Խորհրդարանական ընտրությունների արդյունքները չեն գոհացրել վրացական ընդդիմությանը:
Ցուցարարները, որոնց ճնշող մեծամասնությունը երիտասարդներ են, հավաքվել են Թբիլիսիի պետական համալսարանի մոտ և մտադիր են հասնել Ռուսթավելիի պողոտայում գտնվող խորհրդարանի շենք, որտեղ նախօրեին ընդդիմության մեծ հանրահավաք էր տեղի ունեցել։
Միաժամանակ միջոցառման մասնակիցների թիվը երեկվա ցույցի համեմատ նկատելիորեն նվազել է: Հավաքվածները կրում են Վրաստանի, Եվրամիության դրոշներ, ինչպես նաև եվրոպամետ կարգախոսներով պաստառներ։ Երթը վերահսկվում է ոստիկանների կողմից և մինչ այս պահը բողոքի ակցիան ընթացել է առանց միջադեպերի։
Հիշեցնենք, որ քվեաթերթիկները հաշվելուց հետո հաղթել է իշխող «Վրացական երազանք» կուսակցությունը՝ հավաքելով ձայների 53,93 տոկոսը։ Խորհրդարան են անցել նաև չորս ընդդիմադիր կուսակցություններ, որոնք ընդհանուր առմամբ ստացել են 37,78 տոկոս.
