Ամենավայրագ ձևերով քաղաքական հետապնդում. ՀԱԿ-ը` Միքայել սրբազանի դատավճռի մասին

Միքայել սրբազանի նկատմամբ քրեական հետապնդման ողջ գործընթացը՝ շինծու քրեական վարույթի հարուցումից, Շիրակի թեմի առաջնորդարանում ու սրբազանի կեցավայրում իրականացված խուզարկությունները, Աջապահյանի ձերբակալության համար Մայր աթոռի տարածքում հատուկջոկատայինների արշավանքը, ապա նրա կալանավորումն ու դատական ողջ ֆարսը վկայում են՝ իրականում տեղի է ունենում ամենավայրագ ձևերով քաղաքական հետապնդում։ Այս մասին հայտրարություն է տարածել «Հայ ազգային կոնգրեսը»:


Նշվում է, որ տեղի ունեցողը մաս է կազմում Հայ առաքելական եկեղեցու և նրա հոգևոր վերնախավի դեմ իշխանությունների սանձազերծած ապօրինությունների։ Այն միտված է խոսքի և արտահայտվելու ազատության սահմանափակմանը և լուրջ վնաս է հասցնում Հայաստանի միջազգային վարկանիշին։


ՀԱԿ–ը վստահ է, որ այս գործը վաղ թե ուշ անփառունակ վախճանի է արժանանալու եթե ոչ ներպետական ատյաններում, ապա Մարդու իրավունքների եվրոպական դատարանում։


Քաղաքականություն