«Վտանգ կա, որ տարածաշրջանը կվերածի պատերազմի գոտու». Էրդողան

Թուրքիայի նախագահ Ռեջեփ Թայիփ Էրդողանը զգուշացրել է այն ռիսկի մասին, որ Իսրայելի աճող ագրեսիան տարածաշրջանը կվերածի համապարփակ պատերազմական գոտու։ Էրդողանն այս մասին խոսել է Իրաքյան Քուրդիստանի առաջնորդ Նեչիրվան Բարզանիի հետ հանդիպմանը:

«Հանդիպման ընթացքում քննարկվել են թուրք-իրաքյան հարաբերությունները, ինչպես նաև տարածաշրջանային և գլոբալ իրադարձություններ։ Հանդիպման ընթացքում նախագահ Էրդողանը հույս է հայտնել, որ տարածաշրջանում հոկտեմբերի 20-ին կայանալիք խորհրդարանական ընտրությունները բարենպաստ լինեն»,-հաղորդում են նախագահի գրասենյակից:

«Նախագահ Էրդողանն ասել է՝ վտանգ կա, որ Իսրայելի աճող ագրեսիան տարածաշրջանը կվերածի համապարփակ պատերազմի գոտու: Թուրքիան մեծ նշանակություն է տալիս ամբողջ տարածաշրջանի կայունությանը և անվտանգությանը և գնահատում է իրաքյան ջանքերը՝ երկիրը հակամարտությունից զերծ պահելու համար»,- ասվում է հայտարարության մեջ։