Վարդան Ղուկասյանի դեմ քրգործ կհարուցվի՞․ «Հրապարակ»

Վարդան Ղուկասյանի հասցեին երեկ սպառնալից հայտարարություններ հնչեցին: Փաշինյանը, պատասխանելով գյումրեցի պատգամավոր Կարեն Սարուխանյանի հարցին, սպառնաց, որ Ղուկասյանին դուրս են շպրտելու քաղաքական ու հանրային դաշտից: Այս մասին գրում է «Հրապարակ» թերթը:

Թերեւս` մտադիր են քրգործ հարուցել նրա դեմ` ՀՀ ինքնիշխանության դեմ իբր արած հայտարարության համար: Թերթը Սարուխանյանին հարցրել է՝ ինչպե՞ս են Գյումրու ընտրված համայնքապետին «դուրս շպրտելու»։

«Դա պետք է անի առաջին հերթին գյումրեցին»,- ասել է նա:

«Դա կարվի սահմանադրական, օրենքով նախատեսված ձեւերով՝ որպես ժողովրդավարական երկիր»,- շարունակել է նա: Անվստահությա՞ն միջոցով, բայց ավագանիում ընդդիմությունը մեծամասնություն է։ «Ունեն, բայց ցանկացած պահի կարող են չունենալ»:

Հարցին, թե արդյոք մտադիր եք մարդագողությա՞մբ զբաղվել։

«Դա մարդագողություն չէ, քաղաքական պրոցես է»,- պատասխանել է Սարուխանյանը:

Մանրամասները՝ սկզբնաղբյուրում: