Բանակցային գործընթացը շարունակելու հեռանկարն անորոշ է․ Պեսկով
Կարգավորման հարցում Կիևի դիրքորոշումը մնում է վերացական և փաստացի արգելափակում է բանակցային գործընթացը: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Նրա խոսքով` այսօրվա դրությամբ բանակցային գործընթացը շարունակելու հեռանկարն անորոշ է։
«Նրանք չեն ցանկանում շարունակել բանակցությունները, ինչ-որ բան պայմանավորվել, իսկ դա կանխատեսելիություն և կայունություն չի ավելացնում», - ընդգծել է Կրեմլի ներկայացուցիչը։
Պեսկովը բանակցությունների թեման կապել է արևմտյան զենքի մատակարարման հարցի հետ։ Նա մեկնաբանել է ԱՄՆ-ում քննարկվող՝ «Tomahawk» թևավոր հրթիռները Կիևին փոխանցելու հնարավորությունը՝ նշելով, որ նման քայլը լարվածության նոր փուլ կստեղծի ու համարժեք պատասխան կպահանջի Ռուսաստանի կողմից:
