Չավուշօղլուն և Լավրովը կհանդիպեն
Ռուսաստանի և Թուրքիայի արտգործնախարարներ Սերգեյ Լավրովն ու Մեվլութ Չավուշօղլուն հանդիպում կանցկացնեն Անթալիայում: Այս մասին հայտնում է ТАСС-ը՝ հղում տալով Մերձավոր Արևելքի և Աֆրիկայի երկրների հարցերով Ռուսաստանի նախագահի հատուկ ներկայացուցիչ Միխայիլ Բոգդանովին։
Ավելի վաղ ռուսական ԶԼՄ-ները, հղում անելով իրենց աղբյուրներին, հայտնել էին մարտի 11-13-ին Անթալիայում կայանալիք դիվանագիտական համաժողովին Ռուսաստանի ԱԳ նախարարի մասնակցության, ինչպես նաև Աստանայի ձևաչափով Սիրիայի հարցով հանդիպման մասին: Այս հանդիպմանը մասնակցելու հրավեր են ստացել նաև Հայաստանի վարչապետը, ԱԳ նախարարը և այլ պետական գործիչներ, սակայն դեռևս մասնակցելու վերաբերյալ որոշում չկա։
