Եվրամիության բյուջեի ծրագիրը ծառայում է Կիևի շահերին. Հունգարիայի ԱԳ նախարար

Եվրամիության բյուջեի ծրագիրը ծառայում է Կիևի շահերին: Այս մասին հայտարարել է Հունգարիայի ԱԳ նախարար Սիյարտոն:

«Բրյուսելը պատրաստել է յոթամյա բյուջե, որտեղ խոսքն ավելի շուտ Ուկրաինայի, այլ ոչ թե ԵՄ-ի մասին է։ Եվրոպայի իրական խնդիրները լուծելու փոխարեն՝ մրցունակություն, էներգետիկ անվտանգություն և տնտեսական աճ, նրանք ցանկանում են ֆինանսավորել ուկրաինական բանակն ու պետությունը»,- ասել է նա:  

Սիյարտոյի խոսքով՝ Բրյուսելը պատրաստվում է պատերազմի և ցանկանում է, որ եվրոպացիները վճարեն դրա համար: Նախարարը նշել է, որ Հունգարիան չի ցանկանում իր հարկատուների գումարն ուղղել ուկրաինական բանակի ֆինանսավորմանը։