ԵՄ-ն պատժամիջոցների նոր փաթեթում չի ներառի ռուսական գազատարի ներկրման արգելքը. Politico
Հավանական է, որ Եվրամիությունը Ռուսաստանի դեմ պատժամիջոցների 11-րդ փաթեթում չի ներառի խողովակաշարերով ռուսական գազի մատակարարումների արգելքը, հայտնում է Politico-ն՝ հղում անելով աղբյուրներին։
Անանուն դիվանագետը Politico-ին ասել է, որ ներմուծումն արգելելու որոշմանը դեմ են այն երկրները, որոնք դեռ կախված են ռուսական գազի մատակարարումից: Նա նաև հավելել է, որ պատժամիջոցների 11-րդ փաթեթի վրա աշխատանքները գրեթե ավարտված են, և այդ արգելքը դժվար թե ներառվի դրանում։
Թեև ամբողջական արգելքի գաղափարը Բրյուսելում աջակցություն չի գտնում, հրապարակման համաձայն, այս թեման դեռ կքննարկվի G7-ի առաջիկա գագաթնաժողովում։
