ԱՄՆ-ն Կատարի վրա հարձակումը կհամարի իր անվտանգության սպառնալիք

Միացյալ Նահանգների քաղաքականությունն է երաշխավորել Կատարի պետության անվտանգությունն ու տարածքային ամբողջականությունը արտաքին հարձակումներից։ Երաշիքների մասին նշված է ԱՄՆ նախագահ Դոնալդ Թրամփի ստորագրած գործադիր հրամանագրում։

«Միացյալ Նահանգները Կատարի պետության տարածքի, ինքնիշխանության կամ կարևորագույն ենթակառուցվածքների վրա ցանկացած զինված հարձակում կհամարի սպառնալիք Միացյալ Նահանգների խաղաղությանն ու անվտանգությանը։

Նման հարձակման դեպքում Միացյալ Նահանգները կձեռնարկի բոլոր օրինական և համապատասխան, ներառյալ՝ դիվանագիտական, տնտեսական և, անհրաժեշտության դեպքում, ռազմական միջոցները, Միացյալ Նահանգների և Կատարի շահերը պաշտպանելու և խաղաղությունն ու կայունությունը վերականգնելու համար»,- ասված է գործադիր հրամանագրում։