«Թուրքական ավիաուղիները» հայտարարել է դեպի Հայաստան նոր չվերթների մասին

«Թուրքական ավիաուղիները» հայտարարել է դեպի Ռումինիայի Տիմիշոարա և Հայաստանի մայրաքաղաք Երևան կանոնավոր չվերթներ սկսելու որոշման մասին, տեղեկացնում է Turkiye today-ը։

Ավիաընկերությունն իր որոշման մասին հայտարարել է Թուրքական հանրային բացահայտման հարթակի (KAP) միջոցով՝ նշելով. «Մեր գործընկերության տնօրենների խորհուրդը որոշել է կանոնավոր չվերթեր սկսել դեպի Ռումինիայի Տիմիշոարա և Հայաստանի մայրաքաղաք Երևան՝ ենթակառուցվածքների առկայության և շուկայական պայմաններին համապատասխանության պայմանով»։

Երթուղու մասին հայտարարությունը հետևել է քայլին, երբ «Թուրքական ավիաուղիներն» իրականացնում է իր ռազմավարական աճի ծրագիրը՝ կատարելով Boeing ինքնաթիռների խոշոր պատվեր։ Սեպտեմբերի 26-ին ելույթ ունենալով՝ THY-ի խորհրդի և գործադիր կոմիտեի նախագահ, պրոֆեսոր Ահմեթ Բոլաթը շեշտել էր ավիապարկի ընդլայնման կարևորությունը։

Ներկայումս «Թուրքական ավիաուղիներ»-ը շահագործում է ավելի քան 200 Boeing ինքնաթիռ, այդ թվում՝ 787-9, 777, 737 MAX, Next Generation 737 և 777 Cargo մոդելները։